శ్రీభూతనాథ అథవా అయ్యప్పస్వామినః సుప్రభాతమ్
శ్రీగణేశాయ నమః ।
శ్రీకణ్ఠపుత్ర హరినన్దన విశ్వమూర్తే లోకైకనాథ కరుణాకర చారుమూర్తే । శ్రీకేశవాత్మజ సుమనోహర సత్యమూర్తే శ్రీభూతనాథ భగవన్ తవ సుప్రభాతమ్ ॥ 1॥
శ్రీవిష్ణురుద్రసుత మఙ్గళ కోమలాఙ్గ దేవాధిదేవ జగదీశ సరోజనేత్ర । కాన్తారవాస సురమానవవృన్దసేవ్య శ్రీభూతనాథ భగవన్ తవ సుప్రభాతమ్ ॥ 2॥
ఆశానురూపఫలదాయక కాన్తమూర్తే ఈశానకేశవసుత మణికణ్ఠ సుదివ్యమూర్తే । భక్తేశ భక్తహృదయస్థితభూమిపాల శ్రీభూతనాథ భగవన్ తవ సుప్రభాతమ్ ॥ 3॥
సత్యస్వరూప సకలేశ గుణార్ణవేశ మర్త్యస్వరూప వరదేశ రమేశసూనో । ముక్తిప్రద త్రిదశరాజ ముకున్దసూనో శ్రీభూతనాథ భగవన్ తవ సుప్రభాతమ్ ॥ 4॥
కాలారిపుత్ర మహిషీమదనాశన శ్రీ కైలాసవాస శబరీశ్వర ధన్యమూర్తే । నీలామ్బరాభరణశోభితసున్దరాఙ్గ శ్రీభూతనాథ భగవన్ తవ సుప్రభాతమ్ ॥ 5॥
నారాయణాత్మజ పరాత్పర దివ్యరూప వారాణసీశశివనన్దన కావ్యరూప । గౌరీశపుత్ర పురుషోత్తమ బాలరూప శ్రీభూతనాథ, భగవాన్ తవ సుప్రభాతమ్ ॥ 6॥
త్రైలోక్యనాథ గిరివాస వనేనివాస భూలోకవాస భువనాధిపదాస దేవ । వేలాయుధప్రియసహోదర శమ్భుసూనో శ్రీభూతనాథ భగవన్ తవ సుప్రభాతమ్ ॥ 7॥
ఆనన్దరూప కరధారితచాపబాణ జ్ఞానస్వరూప, గురునాథ, జగన్నివాస । జ్ఞానప్రదాయక జనార్దననన్దనేశ శ్రీభూతనాథ భగవన్ తవ సుప్రభాతమ్ ॥ 8॥
అమ్భోజనాథసుత సున్దర ధన్యమూర్తే శమ్భుప్రియాకలితపుణ్య పురాణమూర్తే । ఇన్ద్రాదిదేవగణవన్దిత బ్రహ్మచారిన్ శ్రీభూతనాథ భగవన్ తవ సుప్రభాతమ్ ॥ 9॥
దేవేశ దేవగుణపూరిత భాగ్యమూర్తే శ్రీవాసుదేవసుత పావన భక్తబన్ధో । సర్వేశ సర్వమనుజార్చిత దివ్యమూర్తే శ్రీభూతనాథ భగవన్ తవ సుప్రభాతమ్ ॥ 10॥
నారాయణాత్మజ సురేశ నరేశ భక్త- లోకేశ కేశవశివాత్మజ భూతనాథ । శ్రీనారదాది మునిపుఙ్గవపూజితేశ శ్రీభూతనాథ భగవన్ తవ సుప్రభాతమ్ ॥ 11॥
ఆనన్దరూప సురసున్దరదేహధారిన్ శర్వాత్మజ శబరీశ సురాలయేశ । సుగరీశ నిత్యాత్మసౌఖ్యవరదాయక దేవదేవ శ్రీభూతనాథ భగవన్ తవ సుప్రభాతమ్ ॥ 12॥
సర్వేశ సర్వమనుజార్జితసర్వపాప- సంహారకారక చిదాత్మక రుద్రసూనో । సర్వేశ సర్వగుణపూర్ణకృపామ్బురాశే శ్రీభూతనాథ భగవన్, తవ సుప్రభాతమ్ ॥ 13॥
ఓఙ్కారరూప జగదీశ్వర భక్తబన్ధో పఙ్కేరుహాక్ష పురుషోత్తమ కర్మసాక్షిన్ । మాఙ్గల్యరూప మణికణ్ఠ మనోభిరామ శ్రీభూతనాథ భగవన్ తవ సుప్రభాతమ్ ॥ 14॥
ఇతి శ్రీభూతనాథ అథవా అయ్యప్పస్వామినః సుప్రభాతమ్ ।