The guards press their demands

इत्युक्त्वा मैथिलीं राजा रावणः शत्रुरावणः ।

ityuktvā maithilīṃ rājā rāvaṇaḥ śatrurāvaṇaḥ |

After speaking thus to the princess of Mithila, King Ravana, terror of foes,

संदिश्य च ततः सर्वा राक्षसीर्निर्जगाम ह ॥

saṃdiśya ca tataḥ sarvā rākṣasīrnirjagāma ha ||

gave orders to all the rakshasis and departed.

निष्क्रान्ते राक्षसेन्द्रे तु पुनरन्तःपुरं गते ।

niṣkrānte rākṣasendre tu punarantaḥpuraṃ gate |

When the rakshasa king had gone back to the inner palace,

राक्षस्यो भीमरूपास्ताः सीतां समभिदुद्रुवुः ॥

rākṣasyo bhīmarūpāstāḥ sītāṃ samabhidudruvuḥ ||

the frightening rakshasis rushed toward Sita.

ततः सीतामुपागम्य राक्षस्यः क्रोधमूर्च्छिताः ।

tataḥ sītāmupāgamya rākṣasyaḥ krodhamūrcchitāḥ |

Approaching Sita, overcome with anger,

परं परुषया वाचा वैदेहीमिदमब्रुवन् ॥

paraṃ paruṣayā vācā vaidehīmidamabruvan ||

they addressed her in exceedingly harsh words.

पौलस्त्यस्य वरिष्ठस्य रावणस्य महात्मनः ।

paulastyasya variṣṭhasya rāvaṇasya mahātmanaḥ |

'Sita, you do not value the chance to become the wife

दशग्रीवस्य भार्यात्वं सीते न बहु मन्यसे ॥

daśagrīvasya bhāryātvaṃ sīte na bahu manyase ||

of noble, great, ten-headed Ravana, descendant of Pulastya!'

ततस्त्वेकजटा नाम राक्षसी वाक्यमब्रवीत् ।

tatastvekajaṭā nāma rākṣasī vākyamabravīt |

Then the rakshasi named Ekajata spoke,

आमन्त्र्य क्रोधताम्राक्षी सीतां करतलोदरीम् ॥

āmantrya krodhatāmrākṣī sītāṃ karatalodarīm ||

her eyes copper-red with anger as she addressed slender-waisted Sita.

प्रजापतीनां षण्णां तु चतुर्थोऽयं प्रजापतिः ।

prajāpatīnāṃ ṣaṇṇāṃ tu caturtho’yaṃ prajāpatiḥ |

'Of the six progenitors, the fourth is renowned as Pulastya,

मानसो ब्रह्मणः पुत्रः पुलस्त्य इति विश्रुतः ॥

mānaso brahmaṇaḥ putraḥ pulastya iti viśrutaḥ ||

a mind-born son of Brahma.'

पुलस्त्यस्य तु तेजस्वी महर्षिर्मानसः सुतः ।

pulastyasya tu tejasvī maharṣirmānasaḥ sutaḥ |

'Pulastya's radiant, mind-born son was the great sage

नाम्ना स विश्रवा नाम प्रजापतिसमप्रभः ॥

nāmnā sa viśravā nāma prajāpatisamaprabhaḥ ||

named Vishravas, equal in splendor to a progenitor.'

तस्य पुत्रो विशालाक्षि रावणः शत्रुरावणः ।

tasya putro viśālākṣi rāvaṇaḥ śatrurāvaṇaḥ |

'His son is Ravana, terror of enemies, wide-eyed one.

तस्य त्वं राक्षसेन्द्रस्य भार्या भवितुमर्हसि ॥

tasya tvaṃ rākṣasendrasya bhāryā bhavitumarhasi ||

You ought to become that rakshasa king's wife.'

मयोक्तं चारुसर्वाङ्गि वाक्यं किं नानुमन्यसे ।

mayoktaṃ cārusarvāṅgi vākyaṃ kiṃ nānumanyase |

'Why do you not accept my words, lovely-limbed woman?'

ततो हरिजटा नाम राक्षसी वाक्यमब्रवीत् ॥

tato harijaṭā nāma rākṣasī vākyamabravīt ||

Then a rakshasi named Harijata began to speak.

विवृत्य नयने कोपान्मार्जारसदृशेक्षणा ।

vivṛtya nayane kopānmārjārasadṛśekṣaṇā |

Opening her catlike eyes wide in anger, she said:

येन देवास्त्रयस्त्रिंशद् देवराजश्च निर्जितः ॥

yena devāstrayastriṃśad devarājaśca nirjitaḥ ||

'He has conquered the thirty-three gods and their king—'

तस्य त्वं राक्षसेन्द्रस्य भार्या भवितुमर्हसि ।

tasya tvaṃ rākṣasendrasya bhāryā bhavitumarhasi |

'you should become the wife of that rakshasa lord.

वीर्योत्सिक्तस्य शूरस्य संग्रामेष्वनिवर्तिनः ।

vīryotsiktasya śūrasya saṃgrāmeṣvanivartinaḥ |

He is a proud, powerful hero who never retreats from battle;

बलिनो वीर्ययुक्तस्य भार्यात्वं किं न लिप्ससे ॥

balino vīryayuktasya bhāryātvaṃ kiṃ na lipsase ||

why do you not desire marriage to one so strong and valiant?'

प्रियां बहुमतां भार्यां त्यक्त्वा राजा महाबलः ।

priyāṃ bahumatāṃ bhāryāṃ tyaktvā rājā mahābalaḥ |

'That mighty king will leave his cherished and honored wife,

सर्वासां च महाभागां त्वामुपैष्यति रावणः ॥

sarvāsāṃ ca mahābhāgāṃ tvāmupaiṣyati rāvaṇaḥ ||

the most fortunate of them all, and come to you.'

समृद्धं स्त्रीसहस्रेण नानारत्नोपशोभितम् ।

samṛddhaṃ strīsahasreṇa nānāratnopaśobhitam |

'He will leave his prosperous inner palace, filled with a thousand women

अन्तःपुरं तदुत्सृज्य त्वामुपैष्यति रावणः ॥

antaḥpuraṃ tadutsṛjya tvāmupaiṣyati rāvaṇaḥ ||

and adorned with many jewels, and come to you.'

अन्या तु विकटा नाम राक्षसी वाक्यमब्रवीत् ।

anyā tu vikaṭā nāma rākṣasī vākyamabravīt |

Another rakshasi named Vikata said:

असकृद् भीमवीर्येण नागा गन्धर्वदानवाः ।

asakṛd bhīmavīryeṇa nāgā gandharvadānavāḥ |

'With terrible strength he has repeatedly conquered nagas, gandharvas, and danavas

निर्जिताः समरे येन स ते पार्श्वमुपागतः ॥

nirjitāḥ samare yena sa te pārśvamupāgataḥ ||

in battle, and now he has come to your side.'

तस्य सर्वसमृद्धस्य रावणस्य महात्मनः ।

tasya sarvasamṛddhasya rāvaṇasya mahātmanaḥ |

'Why do you not wish to become the wife

किमर्थं राक्षसेन्द्रस्य भार्यात्वं नेच्छसेऽधमे ॥

kimarthaṃ rākṣasendrasya bhāryātvaṃ necchase’dhame ||

of that great, wholly prosperous rakshasa lord Ravana, foolish woman?'

ततस्तां दुर्मुखी नाम राक्षसी वाक्यमब्रवीत् ।

tatastāṃ durmukhī nāma rākṣasī vākyamabravīt |

Then a rakshasi named Durmukhi said:

यस्य सूर्यो न तपति भीतो यस्य स मारुतः ।

yasya sūryo na tapati bhīto yasya sa mārutaḥ |

'The sun does not scorch him, and the Wind fears

न वाति स्मायतापाङ्गि किं त्वं तस्य न तिष्ठसे ॥

na vāti smāyatāpāṅgi kiṃ tvaṃ tasya na tiṣṭhase ||

to blow before him; why do you not submit, long-eyed woman?'

पुष्पवृष्टिं च तरवो मुमुचुर्यस्य वै भयात् ।

puṣpavṛṣṭiṃ ca taravo mumucuryasya vai bhayāt |

'Out of fear of him, trees shower flowers,

शैलाः सुस्रुवुः पानीयं जलदाश्च यदेच्छति ॥

śailāḥ susruvuḥ pānīyaṃ jaladāśca yadecchati ||

mountains pour water, and clouds rain whenever he wishes.'

तस्य नैर्ऋतराजस्य राजराजस्य भामिनि ।

tasya nairṛtarājasya rājarājasya bhāmini |

'Why, lovely woman, do you not set your mind

किं त्वं न कुरुषे बुद्धिं भार्यार्थे रावणस्य हि ॥

kiṃ tvaṃ na kuruṣe buddhiṃ bhāryārthe rāvaṇasya hi ||

on becoming the wife of Ravana, king of kings among rakshasas?'

साधु ते तत्त्वतो देवि कथितं साधु भामिनि ।

sādhu te tattvato devi kathitaṃ sādhu bhāmini |

'We have told you what is truly good for you, noble lady.

गृहाण सुस्मिते वाक्यमन्यथा न भविष्यसि ॥

gṛhāṇa susmite vākyamanyathā na bhaviṣyasi ||

Accept our words, sweet-smiling one, or you will not survive.'