Search DHIH library
VĀLMĪKI RĀMĀYAṆA · CHAPTER 27
सर्गः २७
Trijata interrupts the threatening guards and describes a dream of Rama’s victory, Sita’s reunion with him, and Ravana’s downfall.
An edition-specific reading with original English meanings. Source & reading notes
SCENE 01 · VERSES 1–54
Trijata interrupts the threatening guards and describes a dream of Rama’s victory, Sita’s reunion with him, and Ravana’s downfall.
इत्युक्ताः सीतया घोरं राक्षस्यः क्रोधमूर्च्छिताः ।
ityuktāḥ sītayā ghoraṃ rākṣasyaḥ krodhamūrcchitāḥ |
Thus sternly answered by Sita, the rakshasis were overcome with anger;
काश्चिज्जग्मुस्तदाख्यातुं रावणस्य दुरात्मनः ॥
kāścijjagmustadākhyātuṃ rāvaṇasya durātmanaḥ ||
some went to report her words to wicked Ravana.
ततः सीतामुपागम्य राक्षस्यो भीमदर्शनाः ।
tataḥ sītāmupāgamya rākṣasyo bhīmadarśanāḥ |
Then the terrifying rakshasis approached Sita
पुनः परुषमेकार्थमनर्थार्थमथाब्रुवन् ॥
punaḥ paruṣamekārthamanarthārthamathābruvan ||
and again spoke harshly, with one intent: to bring her harm.
अद्येदानीं तवानार्ये सीते पापविनिश्चये ।
adyedānīṃ tavānārye sīte pāpaviniścaye |
“This very day, Sita, you wicked woman with your evil resolve,
राक्षस्यो भक्षयिष्यन्ति मांसमेतद् यथासुखम् ॥
rākṣasyo bhakṣayiṣyanti māṃsametad yathāsukham ||
the rakshasis will eat this flesh of yours as they please.”
सीतां ताभिरनार्याभिर्दृष्ट्वा संतर्जितां तदा ।
sītāṃ tābhiranāryābhirdṛṣṭvā saṃtarjitāṃ tadā |
Seeing Sita threatened by those ignoble women,
राक्षसी त्रिजटा वृद्धा प्रबुद्धा वाक्यमब्रवीत् ॥
rākṣasī trijaṭā vṛddhā prabuddhā vākyamabravīt ||
the elderly rakshasi Trijata awoke and spoke.
आत्मानं खादतानार्या न सीतां भक्षयिष्यथ ।
ātmānaṃ khādatānāryā na sītāṃ bhakṣayiṣyatha |
“Eat yourselves, wicked women; you shall not eat Sita,
जनकस्य सुतामिष्टां स्नुषां दशरथस्य च ॥
janakasya sutāmiṣṭāṃ snuṣāṃ daśarathasya ca ||
Janaka’s beloved daughter and Dasharatha’s daughter-in-law.
स्वप्नो ह्यद्य मया दृष्टो दारुणो रोमहर्षणः ।
svapno hyadya mayā dṛṣṭo dāruṇo romaharṣaṇaḥ |
Today I have seen a dreadful, hair-raising dream,
राक्षसानामभावाय भर्तुरस्या भवाय च ॥
rākṣasānāmabhāvāya bharturasyā bhavāya ca ||
foretelling the destruction of the rakshasas and the success of her husband.”
एवमुक्तास्त्रिजटया राक्षस्यः क्रोधमूर्च्छिताः ।
evamuktāstrijaṭayā rākṣasyaḥ krodhamūrcchitāḥ |
Thus addressed by Trijata, the rakshasis, previously maddened by anger,
सर्वा एवाब्रुवन् भीतास्त्रिजटां तामिदं वचः ॥
sarvā evābruvan bhītāstrijaṭāṃ tāmidaṃ vacaḥ ||
all became afraid and spoke these words to her.
कथयस्व त्वया दृष्टः स्वप्नोऽयं कीदृशो निशि ।
kathayasva tvayā dṛṣṭaḥ svapno’yaṃ kīdṛśo niśi |
“Tell us what sort of dream you saw in the night.”
तासां श्रुत्वा तु वचनं राक्षसीनां मुखोद्गतम् ॥
tāsāṃ śrutvā tu vacanaṃ rākṣasīnāṃ mukhodgatam ||
Hearing these words from the rakshasis’ mouths,
उवाच वचनं काले त्रिजटा स्वप्नसंश्रितम् ।
uvāca vacanaṃ kāle trijaṭā svapnasaṃśritam |
Trijata spoke at the proper moment about her dream:
गजदन्तमयीं दिव्यां शिबिकामन्तरिक्षगाम् ॥
gajadantamayīṃ divyāṃ śibikāmantarikṣagām ||
“In a heavenly ivory palanquin, travelling through the sky,
युक्तां वाजिसहस्रेण स्वयमास्थाय राघवः ।
yuktāṃ vājisahasreṇa svayamāsthāya rāghavaḥ |
drawn by a thousand horses, Raghava himself rode,
शुक्लमाल्याम्बरधरो लक्ष्मणेन समागतः ॥
śuklamālyāmbaradharo lakṣmaṇena samāgataḥ ||
wearing white garlands and garments, accompanied by Lakshmana.
स्वप्ने चाद्य मया दृष्टा सीता शुक्लाम्बरावृता ।
svapne cādya mayā dṛṣṭā sītā śuklāmbarāvṛtā |
In today’s dream I also saw Sita clothed in white,
सागरेण परिक्षिप्तं श्वेतपर्वतमास्थिता ॥
sāgareṇa parikṣiptaṃ śvetaparvatamāsthitā ||
standing on a white mountain surrounded by the ocean.
रामेण संगता सीता भास्करेण प्रभा यथा ।
rāmeṇa saṃgatā sītā bhāskareṇa prabhā yathā |
Sita was reunited with Rama as radiance is united with the sun.
राघवश्च पुनर्दृष्टश्चतुर्दन्तं महागजम् ॥
rāghavaśca punardṛṣṭaścaturdantaṃ mahāgajam ||
Again I saw Raghava upon a great four-tusked elephant;
आरूढः शैलसंकाशं चकास सहलक्ष्मणः ।
ārūḍhaḥ śailasaṃkāśaṃ cakāsa sahalakṣmaṇaḥ |
mounted on that mountain-like elephant, he shone beside Lakshmana.
ततस्तु सूर्यसंकाशौ दीप्यमानौ स्वतेजसा ॥
tatastu sūryasaṃkāśau dīpyamānau svatejasā ||
Then the two, like suns, shining with their own splendour,
शुक्लमाल्याम्बरधरौ जानकीं पर्युपस्थितौ ।
śuklamālyāmbaradharau jānakīṃ paryupasthitau |
wearing white garlands and garments, drew near Janaki.
ततस्तस्य नगस्याग्रे ह्याकाशस्थस्य दन्तिनः ॥
tatastasya nagasyāgre hyākāśasthasya dantinaḥ ||
Then, at the summit of that mountain, upon the sky-standing elephant
भर्त्रा परिगृहीतस्य जानकी स्कन्धमाश्रिता ।
bhartrā parigṛhītasya jānakī skandhamāśritā |
ridden by her husband, Janaki took her seat on its shoulder.
भर्तुरङ्कात् समुत्पत्य ततः कमललोचना ॥
bharturaṅkāt samutpatya tataḥ kamalalocanā ||
Then the lotus-eyed lady rose from her husband’s lap;
चन्द्रसूर्यौ मया दृष्टा पाणिभ्यां परिमार्जती ।
candrasūryau mayā dṛṣṭā pāṇibhyāṃ parimārjatī |
I saw her touch the moon and sun with her hands.
ततस्ताभ्यां कुमाराभ्यामास्थितः स गजोत्तमः ।
tatastābhyāṃ kumārābhyāmāsthitaḥ sa gajottamaḥ |
Then that foremost elephant, carrying the two princes
सीतया च विशालाक्ष्या लङ्काया उपरि स्थितः ॥
sītayā ca viśālākṣyā laṅkāyā upari sthitaḥ ||
and wide-eyed Sita, stood above Lanka.
पाण्डुरर्षभयुक्तेन रथेनाष्टयुजा स्वयम् ।
pāṇḍurarṣabhayuktena rathenāṣṭayujā svayam |
Kakutstha himself arrived here in a chariot drawn by eight white bulls,
इहोपयातः काकुत्स्थः सीतया सह भार्यया ॥
ihopayātaḥ kākutsthaḥ sītayā saha bhāryayā ||
together with his wife Sita.
शुक्लमाल्याम्बरधरो लक्ष्मणेन सहागतः ।
śuklamālyāmbaradharo lakṣmaṇena sahāgataḥ |
He wore white garlands and garments and came with Lakshmana.
ततोऽन्यत्र मया दृष्टो रामः सत्यपराक्रमः ॥
tato’nyatra mayā dṛṣṭo rāmaḥ satyaparākramaḥ ||
Then, in another vision, I saw Rama, whose valour is unfailing,
लक्ष्मणेन सह भ्रात्रा सीतया सह वीर्यवान् ।
lakṣmaṇena saha bhrātrā sītayā saha vīryavān |
that mighty hero, with his brother Lakshmana and Sita,
आरुह्य पुष्पकं दिव्यं विमानं सूर्यसंनिभम् ॥
āruhya puṣpakaṃ divyaṃ vimānaṃ sūryasaṃnibham ||
mount the divine Pushpaka aerial car, bright as the sun.
उत्तरां दिशमालोच्य प्रस्थितः पुरुषोत्तमः ।
uttarāṃ diśamālocya prasthitaḥ puruṣottamaḥ |
Looking towards the north, that foremost man departed.
एवं स्वप्ने मया दृष्टो रामो विष्णुपराक्रमः ॥
evaṃ svapne mayā dṛṣṭo rāmo viṣṇuparākramaḥ ||
Thus I saw Rama in my dream, with prowess like Vishnu’s,
लक्ष्मणेन सह भ्रात्रा सीतया सह भार्यया ।
lakṣmaṇena saha bhrātrā sītayā saha bhāryayā |
together with his brother Lakshmana and his wife Sita.
न हि रामो महातेजाः शक्यो जेतुं सुरासुरैः ॥
na hi rāmo mahātejāḥ śakyo jetuṃ surāsuraiḥ ||
Rama of great splendour cannot be defeated by gods or asuras,
राक्षसैर्वापि चान्यैर्वा स्वर्गः पापजनैरिव ।
rākṣasairvāpi cānyairvā svargaḥ pāpajanairiva |
nor by rakshasas or anyone else, as heaven cannot be won by the sinful.
रावणश्च मया दृष्टो मुण्डस्तैलसमुक्षितः ॥
rāvaṇaśca mayā dṛṣṭo muṇḍastailasamukṣitaḥ ||
But Ravana I saw shaven-headed and drenched in oil,
रक्तवासाः पिबन्मत्तः करवीरकृतस्रजः ।
raktavāsāḥ pibanmattaḥ karavīrakṛtasrajaḥ |
wearing red garments, intoxicated with drink and crowned with oleander.
विमानात् पुष्पकादद्य रावणः पतितः क्षितौ ॥
vimānāt puṣpakādadya rāvaṇaḥ patitaḥ kṣitau ||
Today I saw Ravana fallen from Pushpaka to the ground.
कृष्यमाणः स्त्रिया मुण्डो दृष्टः कृष्णाम्बरः पुनः ।
kṛṣyamāṇaḥ striyā muṇḍo dṛṣṭaḥ kṛṣṇāmbaraḥ punaḥ |
Again I saw him shaven, dressed in black, dragged by a woman;
रथेन खरयुक्तेन रक्तमाल्यानुलेपनः ॥
rathena kharayuktena raktamālyānulepanaḥ ||
on a donkey-drawn chariot he wore red garlands and red ointment.
पिबंस्तैलं हसन्नृत्यन् भ्रान्तचित्ताकुलेन्द्रियः ।
pibaṃstailaṃ hasannṛtyan bhrāntacittākulendriyaḥ |
Drinking oil, laughing and dancing, bewildered and with senses disturbed,
गर्दभेन ययौ शीघ्रं दक्षिणां दिशमास्थितः ॥
gardabhena yayau śīghraṃ dakṣiṇāṃ diśamāsthitaḥ ||
he rode swiftly south upon a donkey.
पुनरेव मया दृष्टो रावणो राक्षसेश्वरः ।
punareva mayā dṛṣṭo rāvaṇo rākṣaseśvaraḥ |
Again I saw Ravana, lord of rakshasas,
पतितोऽवाक्शिरा भूमौ गर्दभाद् भयमोहितः ॥
patito’vākśirā bhūmau gardabhād bhayamohitaḥ ||
fallen headfirst from the donkey to the ground, overcome with fear.
सहसोत्थाय सम्भ्रान्तो भयार्तो मदविह्वलः ।
sahasotthāya sambhrānto bhayārto madavihvalaḥ |
Suddenly rising, confused, terrified, and unsteady with intoxication,
उन्मत्तरूपो दिग्वासा दुर्वाक्यं प्रलपन् बहु ॥
unmattarūpo digvāsā durvākyaṃ pralapan bahu ||
looking mad and naked, he babbled many foul words.
दुर्गन्धं दुःसहं घोरं तिमिरं नरकोपमम् ।
durgandhaṃ duḥsahaṃ ghoraṃ timiraṃ narakopamam |
He quickly entered a foul-smelling, dreadful, unbearable darkness like hell,
मलपङ्कं प्रविश्याशु मग्नस्तत्र स रावणः ॥
malapaṅkaṃ praviśyāśu magnastatra sa rāvaṇaḥ ||
a mire of filth, and Ravana sank there.
प्रस्थितो दक्षिणामाशां प्रविष्टोऽकर्दमं ह्रदम् ।
prasthito dakṣiṇāmāśāṃ praviṣṭo’kardamaṃ hradam |
Travelling south, he entered a pool without mud;
कण्ठे बद्ध्वा दशग्रीवं प्रमदा रक्तवासिनी ॥
kaṇṭhe baddhvā daśagrīvaṃ pramadā raktavāsinī ||
a woman clothed in red bound the ten-headed one by the neck.
काली कर्दमलिप्तांगी दिशं याम्यां प्रकर्षति ।
kālī kardamaliptāṃgī diśaṃ yāmyāṃ prakarṣati |
Dark, with mud smeared upon her limbs, she dragged him towards Yama’s direction.
एवं तत्र मया दृष्टः कुम्भकर्णो महाबलः ॥
evaṃ tatra mayā dṛṣṭaḥ kumbhakarṇo mahābalaḥ ||
In the same way I saw mighty Kumbhakarna there.
रावणस्य सुताः सर्वे मुण्डास्तैलसमुक्षिताः ।
rāvaṇasya sutāḥ sarve muṇḍāstailasamukṣitāḥ |
All Ravana’s sons were shaven-headed and drenched in oil.
वराहेण दशग्रीवः शिशुमारेण चेन्द्रजित् ॥
varāheṇa daśagrīvaḥ śiśumāreṇa cendrajit ||
The ten-headed one rode a boar, and Indrajit a crocodile;
उष्ट्रेण कुम्भकर्णश्च प्रयातो दक्षिणां दिशम् ।
uṣṭreṇa kumbhakarṇaśca prayāto dakṣiṇāṃ diśam |
Kumbhakarna rode a camel, travelling towards the south.
एकस्तत्र मया दृष्टः श्वेतच्छत्रो विभीषणः ॥
ekastatra mayā dṛṣṭaḥ śvetacchatro vibhīṣaṇaḥ ||
There I saw Vibhishana alone beneath a white parasol,
शुक्लमाल्याम्बरधरः शुक्लगन्धानुलेपनः ।
śuklamālyāmbaradharaḥ śuklagandhānulepanaḥ |
wearing white garlands and garments and anointed with white sandal paste,
शङ्खदुन्दुभिनिर्घोषैर्नृत्तगीतैरलंकृतः ॥
śaṅkhadundubhinirghoṣairnṛttagītairalaṃkṛtaḥ ||
honoured by the sounds of conches and drums, dancing and singing.
आरुह्य शैलसंकाशं मेघस्तनितनिःस्वनम् ।
āruhya śailasaṃkāśaṃ meghastanitaniḥsvanam |
Mounted upon an elephant as huge as a mountain and resounding like thunder,
चतुर्दन्तं गजं दिव्यमास्ते तत्र विभीषणः ॥
caturdantaṃ gajaṃ divyamāste tatra vibhīṣaṇaḥ ||
Vibhishana sat there upon that divine, four-tusked beast,
चतुर्भिः सचिवैः सार्धं वैहायसमुपस्थितः ॥
caturbhiḥ sacivaiḥ sārdhaṃ vaihāyasamupasthitaḥ ||
with four ministers, raised into the sky.
समाजश्च महान् वृत्तो गीतवादित्रनिःस्वनः ।
samājaśca mahān vṛtto gītavāditraniḥsvanaḥ |
A great assembly gathered with sounds of song and instruments,
पिबतां रक्तमाल्यानां रक्षसां रक्तवाससाम् ॥
pibatāṃ raktamālyānāṃ rakṣasāṃ raktavāsasām ||
where rakshasas in red garlands and garments were drinking.
लङ्का चेयं पुरी रम्या सवाजिरथकुञ्जरा ।
laṅkā ceyaṃ purī ramyā savājirathakuñjarā |
I saw this beautiful city of Lanka, with horses, chariots and elephants,
सागरे पतिता दृष्टा भग्नगोपुरतोरणा ॥
sāgare patitā dṛṣṭā bhagnagopuratoraṇā ||
fallen into the ocean, its gateways and arches broken.
लङ्का दृष्टा मया स्वप्ने रावणेनाभिरक्षिता ।
laṅkā dṛṣṭā mayā svapne rāvaṇenābhirakṣitā |
In my dream I saw Lanka, guarded by Ravana,
दग्धा रामस्य दूतेन वानरेण तरस्विना ॥
dagdhā rāmasya dūtena vānareṇa tarasvinā ||
burnt by a swift vanara, Rama’s messenger.
पीत्वा तैलं प्रमत्ताश्च प्रहसन्त्यो महास्वनाः ।
pītvā tailaṃ pramattāśca prahasantyo mahāsvanāḥ |
Drinking oil, intoxicated, laughing loudly,
लङ्कायां भस्मरूक्षायां सर्वा राक्षसयोषितः ॥
laṅkāyāṃ bhasmarūkṣāyāṃ sarvā rākṣasayoṣitaḥ ||
were all the rakshasa women in Lanka, now rough with ash.
कुम्भकर्णादयश्चेमे सर्वे राक्षसपुंगवाः ।
kumbhakarṇādayaśceme sarve rākṣasapuṃgavāḥ |
Kumbhakarna and all these foremost rakshasas,
रक्तं निवसनं गृह्य प्रविष्टा गोमयह्रदम् ॥
raktaṃ nivasanaṃ gṛhya praviṣṭā gomayahradam ||
clothed in red, entered a pool of cow dung.
अपगच्छत पश्यध्वं सीतामाप्नोति राघवः ।
apagacchata paśyadhvaṃ sītāmāpnoti rāghavaḥ |
Go away and see: Raghava will recover Sita.
घातयेत् परमामर्षी युष्मान् सार्धं हि राक्षसैः ॥
ghātayet paramāmarṣī yuṣmān sārdhaṃ hi rākṣasaiḥ ||
In his great wrath he may kill you along with the rakshasas.
प्रियां बहुमतां भार्यां वनवासमनुव्रताम् ।
priyāṃ bahumatāṃ bhāryāṃ vanavāsamanuvratām |
His beloved, highly honoured wife, who followed him into forest exile—
भर्त्सितां तर्जितां वापि नानुमंस्यति राघवः ॥
bhartsitāṃ tarjitāṃ vāpi nānumaṃsyati rāghavaḥ ||
Raghava will not tolerate her being abused or threatened.
तदलं क्रूरवाक्यैश्च सान्त्वमेवाभिधीयताम् ।
tadalaṃ krūravākyaiśca sāntvamevābhidhīyatām |
Enough of cruel words; speak only to comfort her.
अभियाचाम वैदेहीमेतद्धि मम रोचते ॥
abhiyācāma vaidehīmetaddhi mama rocate ||
Let us seek Vaidehi’s forgiveness: that is what I advise.
यस्या ह्येवंविधः स्वप्नो दुःखितायाः प्रदृश्यते ।
yasyā hyevaṃvidhaḥ svapno duḥkhitāyāḥ pradṛśyate |
When such a dream is seen concerning a suffering woman,
सा दुःखैर्बहुभिर्मुक्ता प्रियं प्राप्नोत्यनुत्तमम् ॥
sā duḥkhairbahubhirmuktā priyaṃ prāpnotyanuttamam ||
she is freed from many sorrows and gains unsurpassed happiness.
भर्त्सितामपि याचध्वं राक्षस्यः किं विवक्षया ।
bhartsitāmapi yācadhvaṃ rākṣasyaḥ kiṃ vivakṣayā |
Though you have threatened her, ask her pardon, rakshasis. Why speak further?
राघवाद्धि भयं घोरं राक्षसानामुपस्थितम् ॥
rāghavāddhi bhayaṃ ghoraṃ rākṣasānāmupasthitam ||
A terrible danger from Raghava has come upon the rakshasas.
प्रणिपातप्रसन्ना हि मैथिली जनकात्मजा ।
praṇipātaprasannā hi maithilī janakātmajā |
Janaka’s daughter, the princess of Mithila, is pleased by humble submission;
अलमेषा परित्रातुं राक्षस्यो महतो भयात् ॥
alameṣā paritrātuṃ rākṣasyo mahato bhayāt ||
she can save you, rakshasis, from great danger.
अपि चास्या विशालाक्ष्या न किंचिदुपलक्षये ।
api cāsyā viśālākṣyā na kiṃcidupalakṣaye |
Moreover, on this wide-eyed lady’s limbs I perceive
विरूपमपि चांगेषु सुसूक्ष्ममपि लक्षणम् ॥
virūpamapi cāṃgeṣu susūkṣmamapi lakṣaṇam ||
no unfavourable sign, not even the slightest.
छायावैगुण्यमात्रं तु शङ्के दुःखमुपस्थितम् ।
chāyāvaiguṇyamātraṃ tu śaṅke duḥkhamupasthitam |
Only the fading of her complexion, I think, shows the sorrow that has come;
अदुःखार्हामिमां देवीं वैहायसमुपस्थिताम् ॥
aduḥkhārhāmimāṃ devīṃ vaihāyasamupasthitām ||
this noble lady deserves no suffering, and I saw her rise into the sky.
अर्थसिद्धिं तु वैदेह्याः पश्याम्यहमुपस्थिताम् ।
arthasiddhiṃ tu vaidehyāḥ paśyāmyahamupasthitām |
I see Vaidehi’s purpose approaching fulfilment,
राक्षसेन्द्रविनाशं च विजयं राघवस्य च ॥
rākṣasendravināśaṃ ca vijayaṃ rāghavasya ca ||
the destruction of the rakshasa king, and Raghava’s victory.
निमित्तभूतमेतत् तु श्रोतुमस्या महत् प्रियम् ।
nimittabhūtametat tu śrotumasyā mahat priyam |
As a sign that she will hear very joyful news,
दृश्यते च स्फुरच्चक्षुः पद्मपत्रमिवायतम् ॥
dṛśyate ca sphuraccakṣuḥ padmapatramivāyatam ||
her long, lotus-petal eye is seen to tremble.
ईषद्धि हृषितो वास्या दक्षिणाया ह्यदक्षिणः ।
īṣaddhi hṛṣito vāsyā dakṣiṇāyā hyadakṣiṇaḥ |
The left arm of this gracious Vaidehi,
अकस्मादेव वैदेह्या बाहुरेकः प्रकम्पते ॥
akasmādeva vaidehyā bāhurekaḥ prakampate ||
slightly thrilled with joy, suddenly trembles.
करेणुहस्तप्रतिमः सव्यश्चोरुरनुत्तमः ।
kareṇuhastapratimaḥ savyaścoruranuttamaḥ |
Her beautiful left thigh, resembling an elephant’s trunk,
वेपन् कथयतीवास्या राघवं पुरतः स्थितम् ॥
vepan kathayatīvāsyā rāghavaṃ purataḥ sthitam ||
trembles as though announcing that Raghava stands before her.
पक्षी च शाखानिलयं प्रविष्टः
pakṣī ca śākhānilayaṃ praviṣṭaḥ
A bird has entered its dwelling among the branches,
पुनः पुनश्चोत्तमसान्त्ववादी ।
punaḥ punaścottamasāntvavādī |
again and again uttering excellent words of comfort;
सुस्वागतां वाचमुदीरयाणः
susvāgatāṃ vācamudīrayāṇaḥ
sending forth a welcoming call,
पुनः पुनश्चोदयतीव हृष्टः ॥
punaḥ punaścodayatīva hṛṣṭaḥ ||
it seems joyfully to encourage her again and again.”
ततः सा ह्रीमती बाला भर्तुर्विजयहर्षिता ।
tataḥ sā hrīmatī bālā bharturvijayaharṣitā |
Then that modest young lady, gladdened by her husband’s victory,
अवोचद् यदि तत् तथ्यं भवेयं शरणं हि वः ॥
avocad yadi tat tathyaṃ bhaveyaṃ śaraṇaṃ hi vaḥ ||
said, “If this proves true, I shall indeed be your refuge.”
CHAPTER 27 COMPLETE
Trijata urges the guards to stop threatening Sita, and hopeful signs begin to appear.
Vālmīki Rāmāyaṇa, Sundara Kanda, chapter 27. This reading follows Sanskrit Wikisource revision 354677, with all 54 numbered verses. Verse divisions and wording vary between editions.
The Sanskrit is preserved with normalized display spacing and line breaks. Some sentences continue across verse boundaries; the English follows that continuity. A yojana is a traditional distance unit, retained without assigning a modern measurement. Shape-changing and celestial beings belong to the epic’s sacred narrative.
English line senses and short meanings are original AI-assisted DHIH renderings checked against this Sanskrit reading; they are not a word-for-word grammatical commentary or a claim of human scholarly certification. Roman transliteration is generated mechanically in IAST. Names may also appear in familiar English spellings.
Sanskrit transcription credit: Wikisource contributors, revision history. The adapted reading text and DHIH English on this chapter page are offered under CC BY-SA 4.0. The ancient Sanskrit work is in the public domain. Illustrations are separately commissioned AI-generated DHIH artwork.
Historical comparison: M. N. Dutt’s Ramayana, volume II, a public-domain translation, was consulted for narrative context. The English displayed here is a fresh rendering of the pinned Sanskrit, not a reproduction of that translation.
The events described in the dream are presented as Trijata’s dream and interpretation, not as events already happening. The full chapter contains frightening imagery and violent predictions. Audio will be added only when suitable recording permissions are available.