Signs of reassurance

तथागतां तां व्यथितामनिन्दितां

tathāgatāṃ tāṃ vyathitāmaninditāṃ

To that blameless lady, afflicted in this way,

व्यतीतहर्षां परिदीनमानसाम् ।

vyatītaharṣāṃ paridīnamānasām |

joyless and deeply dejected,

शुभां निमित्तानि शुभानि भेजिरे

śubhāṃ nimittāni śubhāni bhejire

came auspicious signs, attending her

नरं श्रिया जुष्टमिवोपसेविनः ॥

naraṃ śriyā juṣṭamivopasevinaḥ ||

like servants attending a man favoured by prosperity.

तस्याः शुभं वाममरालपक्ष्म-

tasyāḥ śubhaṃ vāmamarālapakṣma-

Her auspicious left eye, bordered by curved lashes,

राज्यावृतं कृष्णविशालशुक्लम् ।

rājyāvṛtaṃ kṛṣṇaviśālaśuklam |

with its dark pupil and broad white surface,

प्रास्पन्दतैकं नयनं सुकेश्या

prāspandataikaṃ nayanaṃ sukeśyā

began to tremble, that beautiful-haired lady’s eye,

मीनाहतं पद्ममिवाभिताम्रम् ॥

mīnāhataṃ padmamivābhitāmram ||

like a reddish lotus stirred by a fish.

भुजश्च चार्वञ्चितवृत्तपीनः

bhujaśca cārvañcitavṛttapīnaḥ

Her graceful, rounded, full left arm,

परार्घ्यकालागुरुचन्दनार्हः ।

parārghyakālāgurucandanārhaḥ |

worthy of precious black aguru and sandal paste,

अनुत्तमेनाघ्युषितः प्रियेण

anuttamenāghyuṣitaḥ priyeṇa

on which her incomparable beloved had rested,

चिरेण वामः समवेपताशु ॥

cireṇa vāmaḥ samavepatāśu ||

suddenly trembled after a long time.

गजेन्द्रहस्तप्रतिमश्च पीन-

gajendrahastapratimaśca pīna-

Of her two close-set thighs, a full one

स्तयोर्द्वयोः संहतयोस्तु जातः ।

stayordvayoḥ saṃhatayostu jātaḥ |

resembling the trunk of a great elephant

प्रस्पन्दमानः पुनरूरुरस्या

praspandamānaḥ punarūrurasyā

again began to throb,

रामं पुरस्तात् स्थितमाचचक्षे ॥

rāmaṃ purastāt sthitamācacakṣe ||

as though announcing Rama standing before her.

शुभं पुनर्हेमसमानवर्ण-

śubhaṃ punarhemasamānavarṇa-

Again, the lovely, gold-coloured garment,

मीषद्रजोध्वस्तमिवातुलाक्ष्याः ।

mīṣadrajodhvastamivātulākṣyāḥ |

slightly dulled with dust, of that incomparable-eyed lady,

वासः स्थितायाः शिखराग्रदन्त्याः

vāsaḥ sthitāyāḥ śikharāgradantyāḥ

standing there with fine-pointed teeth

किंचित् परिस्रंसत चारुगात्र्याः ॥

kiṃcit parisraṃsata cārugātryāḥ ||

and graceful limbs, slipped a little.

एतैर्निमित्तैरपरैश्च सुभ्रूः

etairnimittairaparaiśca subhrūḥ

Encouraged by these and other signs,

संचोदिता प्रागपि साधुसिद्धैः ।

saṃcoditā prāgapi sādhusiddhaiḥ |

which had proved favourable before, the lovely-browed lady

वातातपक्लान्तमिव प्रणष्टं

vātātapaklāntamiva praṇaṣṭaṃ

revived in joy like a seed almost destroyed

वर्षेण बीजं प्रतिसंजहर्ष ॥

varṣeṇa bījaṃ pratisaṃjaharṣa ||

by wind and heat, refreshed by rain.

तस्याः पुनर्बिम्बफलोपमोष्ठं

tasyāḥ punarbimbaphalopamoṣṭhaṃ

Her face, with lips like a bimba fruit,

स्वक्षिभ्रुकेशान्तमरालपक्ष्म ।

svakṣibhrukeśāntamarālapakṣma |

lovely eyes, brows and hair, curved eyelashes

वक्त्रं बभासे सितशुक्लदंष्ट्रं

vaktraṃ babhāse sitaśukladaṃṣṭraṃ

and gleaming white teeth, shone again

राहोर्मुखाच्चन्द्र इव प्रमुक्तः ॥

rāhormukhāccandra iva pramuktaḥ ||

like the moon released from Rahu’s mouth.

सा वीतशोका व्यपनीततन्द्रा

sā vītaśokā vyapanītatandrā

Her grief lifted, her weariness departed,

शान्तज्वरा हर्षविबुद्धसत्त्वा ।

śāntajvarā harṣavibuddhasattvā |

her anguish quieted, her spirit awakened by joy;

अशोभतार्या वदनेन शुक्ले

aśobhatāryā vadanena śukle

the noble lady shone with her face

शीतांशुना रात्रिरिवोदितेन ॥

śītāṃśunā rātririvoditena ||

like the night brightened by the rising cool-rayed moon.