At the shrine in the grove

ततः स किंकरान् हत्वा हनूमान् ध्यानमास्थितः ।

tataḥ sa kiṃkarān hatvā hanūmān dhyānamāsthitaḥ |

After killing the Kinkaras, Hanuman reflected:

वनं भग्नं मया चैत्यप्रासादो न विनाशितः ॥

vanaṃ bhagnaṃ mayā caityaprāsādo na vināśitaḥ ||

I have broken the grove, but have not destroyed its shrine building.

तस्मात् प्रासादमद्यैवमिमं विध्वंसयाम्यहम् ।

tasmāt prāsādamadyaivamimaṃ vidhvaṃsayāmyaham |

Therefore I shall destroy this building today as well.

इति संचिन्त्य हनुमान् मनसादर्शयन् बलम् ॥

iti saṃcintya hanumān manasādarśayan balam ||

Thinking this in his mind, Hanuman displayed his strength.

चैत्यप्रासादमुत्प्लुत्य मेरुशृङ्गमिवोन्नतम् ।

caityaprāsādamutplutya meruśṛṅgamivonnatam |

Leaping up towards the shrine, lofty as a peak of Meru,

आरुरोह हरिश्रेष्ठो हनूमान् मारुतात्मजः ॥

āruroha hariśreṣṭho hanūmān mārutātmajaḥ ||

Hanuman, foremost of vanaras and son of the Wind, climbed upon it.

आरुह्य गिरिसंकाशं प्रासादं हरियूथपः ।

āruhya girisaṃkāśaṃ prāsādaṃ hariyūthapaḥ |

After climbing the mountain-like building, the leader of the vanaras,

बभौ स सुमहातेजाः प्रतिसूर्य इवोदितः ॥

babhau sa sumahātejāḥ pratisūrya ivoditaḥ ||

radiant with immense energy, shone like a second sun risen in the sky.

सम्प्रधृष्य तु दुर्धर्षश्चैत्यप्रासादमुन्नतम् ।

sampradhṛṣya tu durdharṣaścaityaprāsādamunnatam |

Overpowering the lofty shrine, the unassailable Hanuman,

हनूमान् प्रज्वलँल्लक्ष्म्या पारियात्रोपमोऽभवत् ॥

hanūmān prajvalam̐llakṣmyā pāriyātropamo’bhavat ||

blazing with splendour, resembled Mount Pariyatra.

स भूत्वा सुमहाकायः प्रभावान् मारुतात्मजः ।

sa bhūtvā sumahākāyaḥ prabhāvān mārutātmajaḥ |

The powerful son of the Wind made his body enormous

धृष्टमास्फोटयामास लङ्कां शब्देन पूरयन् ॥

dhṛṣṭamāsphoṭayāmāsa laṅkāṃ śabdena pūrayan ||

and boldly struck his arms, filling Lanka with the sound.

तस्यास्फोटितशब्देन महता श्रोत्रघातिना ।

tasyāsphoṭitaśabdena mahatā śrotraghātinā |

At that tremendous, ear-shattering sound of striking his arms,

पेतुर्विहंगमास्तत्र चैत्यपालाश्च मोहिताः ॥

peturvihaṃgamāstatra caityapālāśca mohitāḥ ||

birds fell down there and the shrine guards were stunned.

अस्त्रविज्जयतां रामो लक्ष्मणश्च महाबलः ।

astravijjayatāṃ rāmo lakṣmaṇaśca mahābalaḥ |

May Rama, skilled in weapons, and mighty Lakshmana be victorious!

राजा जयति सुग्रीवो राघवेणाभिपालितः ॥

rājā jayati sugrīvo rāghaveṇābhipālitaḥ ||

Victory to King Sugriva, protected by the descendant of Raghu!

दासोऽहं कोसलेन्द्रस्य रामस्याक्लिष्टकर्मणः ।

dāso’haṃ kosalendrasya rāmasyākliṣṭakarmaṇaḥ |

I am the servant of Rama, lord of Kosala, whose deeds are accomplished without weariness.

हनूमान् शत्रुसैन्यानां निहन्ता मारुतात्मजः ॥

hanūmān śatrusainyānāṃ nihantā mārutātmajaḥ ||

I am Hanuman, son of the Wind, destroyer of enemy armies.

न रावणसहस्रं मे युद्धे प्रतिबलं भवेत् ।

na rāvaṇasahasraṃ me yuddhe pratibalaṃ bhavet |

Not even a thousand Ravanas could match me in battle

शिलाभिश्च प्रहरतः पादपैश्च सहस्रशः ॥

śilābhiśca praharataḥ pādapaiśca sahasraśaḥ ||

as I strike with rocks and trees by the thousand.

धर्षयित्वा पुरीं लङ्कामभिवाद्य च मैथिलीम् ।

dharṣayitvā purīṃ laṅkāmabhivādya ca maithilīm |

After overpowering Lanka and bowing to Maithili,

समृद्धार्थो गमिष्यामि मिषतां सर्वरक्षसाम् ॥

samṛddhārtho gamiṣyāmi miṣatāṃ sarvarakṣasām ||

I shall depart with my purpose achieved, while all the rakshasas look on.

एवमुक्त्वा महाकायश्चैत्यस्थो हरियूथपः ।

evamuktvā mahākāyaścaityastho hariyūthapaḥ |

Having said this, the gigantic vanara leader standing on the shrine

ननाद भीमनिर्ह्रादो रक्षसां जनयन् भयम् ॥

nanāda bhīmanirhrādo rakṣasāṃ janayan bhayam ||

gave a terrible resounding roar, spreading fear among the rakshasas.

तेन नादेन महता चैत्यपालाः शतं ययुः ।

tena nādena mahatā caityapālāḥ śataṃ yayuḥ |

At that great roar, a hundred shrine guards came forward,

गृहीत्वा विविधानस्त्रान् प्रासान् खड्गान् परश्वधान् ॥

gṛhītvā vividhānastrān prāsān khaḍgān paraśvadhān ||

taking various weapons: javelins, swords, and battle-axes.

विसृजन्तो महाकाया मारुतिं पर्यवारयन् ।

visṛjanto mahākāyā mārutiṃ paryavārayan |

The huge-bodied guards surrounded the son of the Wind, hurling their weapons.

ते गदाभिर्विचित्राभिः परिघैः काञ्चनाङ्गदैः ॥

te gadābhirvicitrābhiḥ parighaiḥ kāñcanāṅgadaiḥ ||

With decorated maces and iron bars banded with gold—

आजग्मुर्वानरश्रेष्ठं बाणैश्चादित्यसंनिभैः ।

ājagmurvānaraśreṣṭhaṃ bāṇaiścādityasaṃnibhaiḥ |

they attacked the foremost vanara, also shooting arrows bright as the sun.

आवर्त इव गङ्गायास्तोयस्य विपुलो महान् ॥

āvarta iva gaṅgāyāstoyasya vipulo mahān ||

Like a great, wide whirlpool in the waters of the Ganga—

परिक्षिप्य हरिश्रेष्ठं स बभौ रक्षसां गणः ।

parikṣipya hariśreṣṭhaṃ sa babhau rakṣasāṃ gaṇaḥ |

the rakshasa host appeared as it encircled the foremost vanara.

ततो वातात्मजः क्रुद्धो भीमरूपं समास्थितः ॥

tato vātātmajaḥ kruddho bhīmarūpaṃ samāsthitaḥ ||

Then the Wind’s son grew angry and assumed a terrifying form.

प्रासादस्य महांस्तस्य स्तम्भं हेमपरिष्कृतम् ।

prāsādasya mahāṃstasya stambhaṃ hemapariṣkṛtam |

A great pillar of that building, adorned with gold,

उत्पाटयित्वा वेगेन हनूमान् मारुतात्मजः ॥

utpāṭayitvā vegena hanūmān mārutātmajaḥ ||

Hanuman, son of the Wind, swiftly tore out.

ततस्तं भ्रामयामास शतधारं महाबलः ।

tatastaṃ bhrāmayāmāsa śatadhāraṃ mahābalaḥ |

Then the mighty hero whirled that many-edged pillar around.

तत्र चाग्निः समभवत् प्रासादश्चाप्यदह्यत ॥

tatra cāgniḥ samabhavat prāsādaścāpyadahyata ||

Fire arose there, and the shrine building began to burn.

दह्यमानं ततो दृष्ट्वा प्रासादं हरियूथपः ।

dahyamānaṃ tato dṛṣṭvā prāsādaṃ hariyūthapaḥ |

Seeing the building burning, the vanara leader,

स राक्षसशतं हत्वा वज्रेणेन्द्र इवासुरान् ॥

sa rākṣasaśataṃ hatvā vajreṇendra ivāsurān ||

having killed the hundred rakshasas as Indra kills asuras with his thunderbolt—

अन्तरिक्षस्थितः श्रीमानिदं वचनमब्रवीत् ।

antarikṣasthitaḥ śrīmānidaṃ vacanamabravīt |

stood in the air in splendour and spoke these words:

मादृशानां सहस्राणि विसृष्टानि महात्मनाम् ॥

mādṛśānāṃ sahasrāṇi visṛṣṭāni mahātmanām ||

Thousands of great-hearted warriors like me have been sent out—

बलिनां वानरेन्द्राणां सुग्रीववशवर्तिनाम् ।

balināṃ vānarendrāṇāṃ sugrīvavaśavartinām |

mighty leaders of the vanaras who obey Sugriva.

अटन्ति वसुधां कृत्स्नां वयमन्ये च वानराः ॥

aṭanti vasudhāṃ kṛtsnāṃ vayamanye ca vānarāḥ ||

We and other vanaras are ranging across the whole earth.

दशनागबलाः केचित् केचिद् दशगुणोत्तराः ।

daśanāgabalāḥ kecit kecid daśaguṇottarāḥ |

Some possess the strength of ten elephants, some ten times that strength,

केचिन्नागसहस्रस्य बभूवुस्तुल्यविक्रमाः ॥

kecinnāgasahasrasya babhūvustulyavikramāḥ ||

and some have prowess equal to a thousand elephants.

सन्ति चौघबलाः केचित् सन्ति वायुबलोपमाः ।

santi caughabalāḥ kecit santi vāyubalopamāḥ |

Some have the strength of vast hosts, and some are as strong as the wind.

अप्रमेयबलाः केचित् तत्रासन् हरियूथपाः ॥

aprameyabalāḥ kecit tatrāsan hariyūthapāḥ ||

Among them are vanara leaders whose strength cannot be measured.

ईदृग्विधैस्तु हरिभिर्वृतो दन्तनखायुधैः ।

īdṛgvidhaistu haribhirvṛto dantanakhāyudhaiḥ |

Surrounded by vanaras such as these, armed with teeth and nails,

शतैः शतसहस्रैश्च कोटिभिश्चायुतैरपि ॥

śataiḥ śatasahasraiśca koṭibhiścāyutairapi ||

in hundreds, hundreds of thousands, tens of thousands, and millions—

आगमिष्यति सुग्रीवः सर्वेषां वो निषूदनः ।

āgamiṣyati sugrīvaḥ sarveṣāṃ vo niṣūdanaḥ |

Sugriva will come as the destroyer of you all.

नेयमस्ति पुरी लङ्का न यूयं न च रावणः ।

neyamasti purī laṅkā na yūyaṃ na ca rāvaṇaḥ |

Neither this city of Lanka, nor you, nor Ravana will remain,

यस्य त्विक्ष्वाकुवीरेण बद्धं वैरं महात्मना ॥

yasya tvikṣvākuvīreṇa baddhaṃ vairaṃ mahātmanā ||

for he has bound himself in enmity with the great-hearted hero of Ikshvaku’s line.