The search party reaches Rama

सुग्रीवेणैवमुक्तस्तु हृष्टो दधिमुखः कपिः ।

sugrīveṇaivamuktastu hṛṣṭo dadhimukhaḥ kapiḥ |

Addressed thus by Sugriva, the delighted Dadhimukha

राघवं लक्ष्मणं चैव सुग्रीवं चाभ्यवादयत् ॥

rāghavaṃ lakṣmaṇaṃ caiva sugrīvaṃ cābhyavādayat ||

saluted Raghava, Lakshmana and Sugriva.

स प्रणम्य च सुग्रीवं राघवौ च महाबलौ ।

sa praṇamya ca sugrīvaṃ rāghavau ca mahābalau |

After bowing to Sugriva and the two mighty Raghava brothers,

वानरैः सहितः शूरैर्दिवमेवोत्पपात ह ॥

vānaraiḥ sahitaḥ śūrairdivamevotpapāta ha ||

he rose into the sky with his brave vanaras.

स यथैवागतः पूर्वं तथैव त्वरितं गतः ।

sa yathaivāgataḥ pūrvaṃ tathaiva tvaritaṃ gataḥ |

He returned as swiftly as he had first come,

निपत्य गगनाद् भूमौ तद् वनं प्रविवेश ह ॥

nipatya gaganād bhūmau tad vanaṃ praviveśa ha ||

descended from the sky and entered the grove.

स प्रविष्टो मधुवनं ददर्श हरियूथपान् ।

sa praviṣṭo madhuvanaṃ dadarśa hariyūthapān |

Entering Madhuvana, he saw the vanara leaders,

विमदानुद्धतान् सर्वान् मेहमानान् मधूदकम् ॥

vimadānuddhatān sarvān mehamānān madhūdakam ||

their intoxication subsiding, relieving themselves of the honey-water they had drunk.

स तानुपागमद् वीरो बद्‍ध्वा करपुटाञ्जलिम् ।

sa tānupāgamad vīro baddhvā karapuṭāñjalim |

The hero approached with hands respectfully joined

उवाच वचनं श्लक्ष्णमिदं हृष्टवदङ्गदम् ॥

uvāca vacanaṃ ślakṣṇamidaṃ hṛṣṭavadaṅgadam ||

and cheerfully spoke these gentle words to Angada.

सौम्य रोषो न कर्तव्यो यदेभिः परिवारणम् ।

saumya roṣo na kartavyo yadebhiḥ parivāraṇam |

'Gentle one, do not be angry that these guards restrained you.

अज्ञानाद् रक्षिभिः क्रोधाद् भवन्तः प्रतिषेधिताः ॥

ajñānād rakṣibhiḥ krodhād bhavantaḥ pratiṣedhitāḥ ||

In ignorance and anger they tried to prevent your entry.

श्रान्तो दूरादनुप्राप्तो भक्षयस्व स्वकं मधु ।

śrānto dūrādanuprāpto bhakṣayasva svakaṃ madhu |

Weary from a distant journey, enjoy your own honey.

युवराजस्त्वमीशश्च वनस्यास्य महाबल ॥

yuvarājastvamīśaśca vanasyāsya mahābala ||

Mighty one, you are the crown prince and a lord of this grove.

मौर्ख्यात् पूर्वं कृतो रोषस्तद् भवान् क्षन्तुमर्हति ।

maurkhyāt pūrvaṃ kṛto roṣastad bhavān kṣantumarhati |

My earlier anger arose from foolishness; please forgive it.

यथैव हि पिता तेऽभूत् पूर्वं हरिगणेश्वरः ॥

yathaiva hi pitā te’bhūt pūrvaṃ harigaṇeśvaraḥ ||

Just as your father formerly ruled the vanara hosts—

तथा त्वमपि सुग्रीवो नान्यस्तु हरिसत्तम ।

tathā tvamapi sugrīvo nānyastu harisattama |

so do you and Sugriva, foremost vanara, and no one else.

आख्यातं हि मया गत्वा पितृव्यस्य तवानघ ॥

ākhyātaṃ hi mayā gatvā pitṛvyasya tavānagha ||

Blameless one, I went and told your paternal uncle—

इहोपयानं सर्वेषामेतेषां वनचारिणाम् ।

ihopayānaṃ sarveṣāmeteṣāṃ vanacāriṇām |

that all these forest-dwellers had arrived here.

भवदागमनं श्रुत्वा सहैभिर्वनचारिभिः ॥

bhavadāgamanaṃ śrutvā sahaibhirvanacāribhiḥ ||

Hearing of your arrival with these companions—

प्रहृष्टो न तु रुष्टोऽसौ वनं श्रुत्वा प्रधर्षितम् ।

prahṛṣṭo na tu ruṣṭo’sau vanaṃ śrutvā pradharṣitam |

he was delighted, not angry, even when told the grove was damaged.

प्रहृष्टो मां पितृव्यस्ते सुग्रीवो वानरेश्वरः ॥

prahṛṣṭo māṃ pitṛvyaste sugrīvo vānareśvaraḥ ||

Your uncle Sugriva, the vanara lord, joyfully—

शीघ्रं प्रेषय सर्वांस्तानिति होवाच पार्थिवः ।

śīghraṃ preṣaya sarvāṃstāniti hovāca pārthivaḥ |

said, "Send them all here quickly."'

श्रुत्वा दधिमुखस्यैतद् वचनं श्लक्ष्णमङ्गदः ॥

śrutvā dadhimukhasyaitad vacanaṃ ślakṣṇamaṅgadaḥ ||

Hearing Dadhimukha's gentle words, Angada—

अब्रवीत् तान् हरिश्रेष्ठो वाक्यं वाक्यविशारदः ।

abravīt tān hariśreṣṭho vākyaṃ vākyaviśāradaḥ |

foremost vanara and skilled speaker, addressed them:

शङ्के श्रुतोऽयं वृत्तान्तो रामेण हरियूथपाः ॥

śaṅke śruto’yaṃ vṛttānto rāmeṇa hariyūthapāḥ ||

'Leaders, I think Rama has heard of what has happened.

अयं च हर्षादाख्याति तेन जानामि हेतुना ।

ayaṃ ca harṣādākhyāti tena jānāmi hetunā |

This guardian speaks joyfully, which gives me reason to think so.

तत् क्षमं नेह नः स्थातुं कृते कार्ये परंतपाः ॥

tat kṣamaṃ neha naḥ sthātuṃ kṛte kārye paraṃtapāḥ ||

Enemy-subduers, with the task complete, it is not fitting for us to remain here.

पीत्वा मधु यथाकामं विक्रान्ता वनचारिणः ।

pītvā madhu yathākāmaṃ vikrāntā vanacāriṇaḥ |

Brave forest-dwellers, we have drunk honey to our satisfaction.

किं शेषं गमनं तत्र सुग्रीवो यत्र वानरः ॥

kiṃ śeṣaṃ gamanaṃ tatra sugrīvo yatra vānaraḥ ||

What remains except to go where Sugriva is?

सर्वे यथा मां वक्ष्यन्ति समेत्य हरिपुङ्गवाः ।

sarve yathā māṃ vakṣyanti sametya haripuṅgavāḥ |

Whatever all you foremost vanaras decide together,

तथास्मि कर्ता कर्तव्ये भवद्भिः परवानहम् ॥

tathāsmi kartā kartavye bhavadbhiḥ paravānaham ||

I shall do what needs doing; I am guided by you.

नाज्ञापयितुमीशोऽहं युवराजोऽस्मि यद्यपि ।

nājñāpayitumīśo’haṃ yuvarājo’smi yadyapi |

Though crown prince, I do not claim to command you arbitrarily;

अयुक्तं कृतकर्माणो यूयं धर्षयितुं बलात् ॥

ayuktaṃ kṛtakarmāṇo yūyaṃ dharṣayituṃ balāt ||

it would be wrong to forcefully overrule you who have completed the work.'

ब्रुवतश्चाङ्गदस्यैवं श्रुत्वा वचनमुत्तमम् ।

bruvataścāṅgadasyaivaṃ śrutvā vacanamuttamam |

Hearing these excellent words from Angada,

प्रहृष्टमनसो वाक्यमिदमूचुर्वनौकसः ॥

prahṛṣṭamanaso vākyamidamūcurvanaukasaḥ ||

the forest-dwellers, delighted in heart, replied.

एवं वक्ष्यति को राजन् प्रभुः सन् वानरर्षभ ।

evaṃ vakṣyati ko rājan prabhuḥ san vānararṣabha |

'What other ruler would speak like this, king and foremost vanara?

ऐश्वर्यमदमत्तो हि सर्वोऽहमिति मन्यते ॥

aiśvaryamadamatto hi sarvo’hamiti manyate ||

Those intoxicated by authority generally think, "I alone matter."

तव चेदं सुसदृशं वाक्यं नान्यस्य कस्यचित् ।

tava cedaṃ susadṛśaṃ vākyaṃ nānyasya kasyacit |

These words are worthy of you and no ordinary person;

सन्नतिर्हि तवाख्याति भविष्यच्छुभयोग्यताम् ॥

sannatirhi tavākhyāti bhaviṣyacchubhayogyatām ||

your humility reveals your fitness for future greatness.

सर्वे वयमपि प्राप्तास्तत्र गन्तुं कृतक्षणाः ।

sarve vayamapi prāptāstatra gantuṃ kṛtakṣaṇāḥ |

We have all arrived at the resolve to go

स यत्र हरिवीराणां सुग्रीवः पतिरव्ययः ॥

sa yatra harivīrāṇāṃ sugrīvaḥ patiravyayaḥ ||

where Sugriva, the enduring lord of the vanara heroes, is staying.

त्वया ह्यनुक्तैर्हरिभिर्नैव शक्यं पदात् पदम् ।

tvayā hyanuktairharibhirnaiva śakyaṃ padāt padam |

Without your instruction we could not move even a step elsewhere,

क्वचिद् गन्तुं हरिश्रेष्ठ ब्रूमः सत्यमिदं तु ते ॥

kvacid gantuṃ hariśreṣṭha brūmaḥ satyamidaṃ tu te ||

foremost vanara; we tell you this sincerely.'

एवं तु वदतां तेषामङ्गदः प्रत्यभाषत ।

evaṃ tu vadatāṃ teṣāmaṅgadaḥ pratyabhāṣata |

Hearing them speak, Angada replied,

साधु गच्छाम इत्युक्त्वा खमुत्पेतुर्महाबलाः ॥

sādhu gacchāma ityuktvā khamutpeturmahābalāḥ ||

'Good, let us go!' And the mighty ones sprang into the sky.

उत्पतन्तमनूत्पेतुः सर्वे ते हरियूथपाः ।

utpatantamanūtpetuḥ sarve te hariyūthapāḥ |

All the vanara leaders followed him as he rose,

कृत्वाऽऽकाशं निराकाशं यन्त्रोत्क्षिप्ता इवोपलाः ॥

kṛtvā’’kāśaṃ nirākāśaṃ yantrotkṣiptā ivopalāḥ ||

filling the sky like stones launched from a machine.

अङ्गदं पुरतः कृत्वा हनूमन्तं च वानरम् ।

aṅgadaṃ purataḥ kṛtvā hanūmantaṃ ca vānaram |

Placing Angada and Hanuman at their head,

तेऽम्बरं सहसोत्पत्य वेगवन्तः प्लवङ्गमाः ॥

te’mbaraṃ sahasotpatya vegavantaḥ plavaṅgamāḥ ||

the swift vanaras suddenly soared through the sky—

विनदन्तो महानादं घना वातेरिता यथा ।

vinadanto mahānādaṃ ghanā vāteritā yathā |

roaring mightily like clouds driven by the wind.

अङ्गदे समनुप्राप्ते सुग्रीवो वानरेश्वरः ॥

aṅgade samanuprāpte sugrīvo vānareśvaraḥ ||

As Angada drew near, Sugriva, the vanara king—

उवाच शोकसंतप्तं रामं कमललोचनम् ।

uvāca śokasaṃtaptaṃ rāmaṃ kamalalocanam |

spoke to lotus-eyed Rama, afflicted by grief:

समाश्वसिहि भद्रं ते दृष्टा देवी न संशयः ॥

samāśvasihi bhadraṃ te dṛṣṭā devī na saṃśayaḥ ||

'Take courage; may good be yours. The lady has certainly been seen.

नागन्तुमिह शक्यं तैरतीतसमयैरिह ।

nāgantumiha śakyaṃ tairatītasamayairiha |

They could not return here after exceeding the allotted time otherwise;

अङ्गदस्य प्रहर्षाच्च जानामि शुभदर्शन ॥

aṅgadasya praharṣācca jānāmi śubhadarśana ||

gracious one, Angada's delight also tells me this.

न मत्सकाशमागच्छेत् कृत्ये हि विनिपातिते ।

na matsakāśamāgacchet kṛtye hi vinipātite |

If the undertaking had failed, the strong-armed crown prince Angada,

युवराजो महाबाहुः प्लवतामङ्गदो वरः ॥

yuvarājo mahābāhuḥ plavatāmaṅgado varaḥ ||

foremost leaper, would not come into my presence like this.

यद्यप्यकृतकृत्यानामीदृशः स्यादुपक्रमः ।

yadyapyakṛtakṛtyānāmīdṛśaḥ syādupakramaḥ |

Even if they did return with their work unfinished,

भवेत् तु दीनवदनो भ्रान्तविप्लुतमानसः ॥

bhavet tu dīnavadano bhrāntaviplutamānasaḥ ||

their faces would be downcast and their minds confused and troubled.

पितृपैतामहं चैतत् पूर्वकैरभिरक्षितम् ।

pitṛpaitāmahaṃ caitat pūrvakairabhirakṣitam |

Without seeing Janaka's daughter, he would not damage my Madhuvana,

न मे मधुवनं हन्याददृष्ट्वा जनकात्मजाम् ॥

na me madhuvanaṃ hanyādadṛṣṭvā janakātmajām ||

inherited from our ancestors and protected by earlier generations.

कौसल्या सुप्रजा राम समाश्वसिहि सुव्रत ।

kausalyā suprajā rāma samāśvasihi suvrata |

Rama, noble son of Kausalya, steadfast in your vows, take courage.

दृष्टा देवी न संदेहो न चान्येन हनूमता ॥

dṛṣṭā devī na saṃdeho na cānyena hanūmatā ||

The lady has been seen, without doubt, and by Hanuman himself.

नह्यन्यः कर्मणो हेतुः साधनेऽस्य हनूमतः ।

nahyanyaḥ karmaṇo hetuḥ sādhane’sya hanūmataḥ |

No one else could accomplish this work as Hanuman could;

हनूमतीह सिद्धिश्च मतिश्च मतिसत्तम ॥

hanūmatīha siddhiśca matiśca matisattama ||

success and judgement rest in him, wisest one—

व्यवसायश्च शौर्यं च श्रुतं चापि प्रतिष्ठितम् ।

vyavasāyaśca śauryaṃ ca śrutaṃ cāpi pratiṣṭhitam |

as do resolution, courage and learning.

जाम्बवान् यत्र नेता स्यादङ्गदश्च हरीश्वरः ॥

jāmbavān yatra netā syādaṅgadaśca harīśvaraḥ ||

Where Jambavan guides and Angada leads the vanaras—

हनूमांश्चाप्यधिष्ठाता न तत्र गतिरन्यथा ।

hanūmāṃścāpyadhiṣṭhātā na tatra gatiranyathā |

and Hanuman directs the undertaking, no other outcome is possible.

मा भूश्चिन्तासमायुक्तः सम्प्रत्यमितविक्रम ॥

mā bhūścintāsamāyuktaḥ sampratyamitavikrama ||

Immeasurably valiant Rama, do not remain burdened by worry now.

यदा हि दर्पितोदग्राः संगताः काननौकसः ।

yadā hi darpitodagrāḥ saṃgatāḥ kānanaukasaḥ |

These forest-dwellers have come together proud and uplifted;

नैषामकृतकार्याणामीदृशः स्यादुपक्रमः ॥

naiṣāmakṛtakāryāṇāmīdṛśaḥ syādupakramaḥ ||

they could not behave like this if their work remained undone.

वनभङ्गेन जानामि मधूनां भक्षणेन च ।

vanabhaṅgena jānāmi madhūnāṃ bhakṣaṇena ca |

I know it from the damage to the grove and their consuming the honey.'

ततः किलकिलाशब्दं शुश्रावासन्नमम्बरे ॥

tataḥ kilakilāśabdaṃ śuśrāvāsannamambare ||

Then he heard excited vanara cries nearby in the sky—

हनूमत्कर्मदृप्तानां नदतां काननौकसाम् ।

hanūmatkarmadṛptānāṃ nadatāṃ kānanaukasām |

the forest-dwellers, proud of Hanuman's deeds,

किष्किन्धामुपयातानां सिद्धिं कथयतामिव ॥

kiṣkindhāmupayātānāṃ siddhiṃ kathayatāmiva ||

were nearing Kishkindha, as though proclaiming success through their calls.

ततः श्रुत्वा निनादं तं कपीनां कपिसत्तमः ।

tataḥ śrutvā ninādaṃ taṃ kapīnāṃ kapisattamaḥ |

Hearing the vanaras' roar, their foremost king

आयताञ्चितलाङ्गूलः सोऽभवद्हृष्टमानसः ॥

āyatāñcitalāṅgūlaḥ so’bhavadhṛṣṭamānasaḥ ||

raised his long, curved tail and rejoiced in his heart.

आजग्मुस्तेऽपि हरयो रामदर्शनकाङ्क्षिणः ।

ājagmuste’pi harayo rāmadarśanakāṅkṣiṇaḥ |

The vanaras, eager to see Rama, approached,

अङ्गदं पुरतः कृत्वा हनूमन्तं च वानरम् ॥

aṅgadaṃ purataḥ kṛtvā hanūmantaṃ ca vānaram ||

with Angada and Hanuman placed at their head.

तेऽङ्गदप्रमुखा वीराः प्रहृष्टाश्च मुदान्विताः ।

te’ṅgadapramukhā vīrāḥ prahṛṣṭāśca mudānvitāḥ |

Those delighted heroes led by Angada

निपेतुर्हरिराजस्य समीपे राघवस्य च ॥

nipeturharirājasya samīpe rāghavasya ca ||

alighted close to the vanara king and Raghava.

हनूमांश्च महाबाहुः प्रणम्य शिरसा ततः ।

hanūmāṃśca mahābāhuḥ praṇamya śirasā tataḥ |

Strong-armed Hanuman bowed his head

नियतामक्षतां देवीं राघवाय न्यवेदयत् ॥

niyatāmakṣatāṃ devīṃ rāghavāya nyavedayat ||

and reported to Raghava that the lady remained steadfast and unharmed.

दृष्टा देवीति हनुमद्वदनादमृतोपमम् ।

dṛṣṭā devīti hanumadvadanādamṛtopamam |

Hearing the nectar-like words 'The lady has been seen'

आकर्ण्य वचनं रामो हर्षमाप सलक्ष्मणः ॥

ākarṇya vacanaṃ rāmo harṣamāpa salakṣmaṇaḥ ||

from Hanuman's mouth, Rama and Lakshmana rejoiced.

निश्चितार्थं ततस्तस्मिन् सुग्रीवं पवनात्मजे ।

niścitārthaṃ tatastasmin sugrīvaṃ pavanātmaje |

With the matter made certain by the Wind's son,

लक्ष्मणः प्रीतिमान् प्रीतं बहुमानादवैक्षत ॥

lakṣmaṇaḥ prītimān prītaṃ bahumānādavaikṣata ||

joyful Lakshmana looked upon delighted Sugriva with great respect.

प्रीत्या च परयोपेतो राघवः परवीरहा ।

prītyā ca parayopeto rāghavaḥ paravīrahā |

Filled with the deepest joy, Raghava, subduer of enemies,

बहुमानेन महता हनूमन्तमवैक्षत ॥

bahumānena mahatā hanūmantamavaikṣata ||

looked upon Hanuman with the greatest regard.