Rama holds the jewel

एवमुक्तो हनुमता रामो दशरथात्मजः ।

evamukto hanumatā rāmo daśarathātmajaḥ |

Hearing Hanuman's words, Rama, son of Dasharatha,

तं मणिं हृदये कृत्वा रुरोद सहलक्ष्मणः ॥

taṃ maṇiṃ hṛdaye kṛtvā ruroda sahalakṣmaṇaḥ ||

pressed the jewel to his heart and wept together with Lakshmana.

तं तु दृष्ट्वा मणिश्रेष्ठं राघवः शोककर्शितः ।

taṃ tu dṛṣṭvā maṇiśreṣṭhaṃ rāghavaḥ śokakarśitaḥ |

Seeing that excellent jewel, grief-worn Raghava

नेत्राभ्यामश्रुपूर्णाभ्यां सुग्रीवमिदमब्रवीत् ॥

netrābhyāmaśrupūrṇābhyāṃ sugrīvamidamabravīt ||

spoke to Sugriva with eyes full of tears.

यथैव धेनुः स्रवति स्नेहाद् वत्सस्य वत्सला ।

yathaiva dhenuḥ sravati snehād vatsasya vatsalā |

'As a loving cow lets her milk flow at the sight of her calf,

तथा ममापि हृदयं मणिश्रेष्ठस्य दर्शनात् ॥

tathā mamāpi hṛdayaṃ maṇiśreṣṭhasya darśanāt ||

so my heart melts at seeing this excellent jewel.

मणिरत्नमिदं दत्तं वैदेह्याः श्वशुरेण मे ।

maṇiratnamidaṃ dattaṃ vaidehyāḥ śvaśureṇa me |

My father-in-law gave this precious jewel to Vaidehi

वधूकाले यथा बद्धमधिकं मूर्ध्नि शोभते ॥

vadhūkāle yathā baddhamadhikaṃ mūrdhni śobhate ||

at her wedding; bound upon her head, it shone with special beauty.

अयं हि जलसम्भूतो मणिः प्रवरपूजितः ।

ayaṃ hi jalasambhūto maṇiḥ pravarapūjitaḥ |

This water-born jewel, honoured among the finest,

यज्ञे परमतुष्टेन दत्तः शक्रेण धीमता ॥

yajñe paramatuṣṭena dattaḥ śakreṇa dhīmatā ||

was given by wise Indra when greatly pleased at a sacrifice.

इमं दृष्ट्वा मणिश्रेष्ठं तथा तातस्य दर्शनम् ।

imaṃ dṛṣṭvā maṇiśreṣṭhaṃ tathā tātasya darśanam |

Seeing this excellent jewel today, gentle one,

अद्यास्म्यवगतः सौम्य वैदेहस्य तथा विभोः ॥

adyāsmyavagataḥ saumya vaidehasya tathā vibhoḥ ||

I feel I have seen my father and the lord of Videha.

अयं हि शोभते तस्याः प्रियाया मूर्ध्नि मे मणिः ।

ayaṃ hi śobhate tasyāḥ priyāyā mūrdhni me maṇiḥ |

It shone upon the head of my beloved;

अद्यास्य दर्शनेनाहं प्राप्तां तामिव चिन्तये ॥

adyāsya darśanenāhaṃ prāptāṃ tāmiva cintaye ||

seeing it today, I feel as though she herself has come to me.

किमाह सीता वैदेही ब्रूहि सौम्य पुनः पुनः ।

kimāha sītā vaidehī brūhi saumya punaḥ punaḥ |

Tell me again and again what Sita Vaidehi said, gentle one;

परासुमिव तोयेन सिञ्चन्ती वाक्यवारिणा ॥

parāsumiva toyena siñcantī vākyavāriṇā ||

let her words bathe me like reviving water poured over one nearly lifeless.

इतस्तु किं दुःखतरं यदिमं वारिसम्भवम् ।

itastu kiṃ duḥkhataraṃ yadimaṃ vārisambhavam |

Son of Sumitra, what could be more painful

मणिं पश्यामि सौमित्रे वैदेहीमागतां विना ॥

maṇiṃ paśyāmi saumitre vaidehīmāgatāṃ vinā ||

than seeing this water-born jewel without Vaidehi herself returning?

चिरं जीवति वैदेही यदि मासं धरिष्यति ।

ciraṃ jīvati vaidehī yadi māsaṃ dhariṣyati |

Vaidehi can endure long if she can hold on for a month;

क्षणं वीर न जीवेयं विना तामसितेक्षणाम् ॥

kṣaṇaṃ vīra na jīveyaṃ vinā tāmasitekṣaṇām ||

hero, I could not live a moment without that dark-eyed lady.

नय मामपि तं देशं यत्र दृष्टा मम प्रिया ।

naya māmapi taṃ deśaṃ yatra dṛṣṭā mama priyā |

Take me too to the place where you saw my beloved;

न तिष्ठेयं क्षणमपि प्रवृत्तिमुपलभ्य च ॥

na tiṣṭheyaṃ kṣaṇamapi pravṛttimupalabhya ca ||

having heard this news, I cannot remain here even a moment.

कथं सा मम सुश्रोणी भीरुभीरुः सती तदा ।

kathaṃ sā mama suśroṇī bhīrubhīruḥ satī tadā |

How can my graceful, gentle and fearful beloved

भयावहानां घोराणां मध्ये तिष्ठति रक्षसाम् ॥

bhayāvahānāṃ ghorāṇāṃ madhye tiṣṭhati rakṣasām ||

remain among those terrible, frightening rakshasas?

शारदस्तिमिरोन्मुक्तो नूनं चन्द्र इवाम्बुदैः ।

śāradastimironmukto nūnaṃ candra ivāmbudaiḥ |

Surely her face does not shine now,

आवृतो वदनं तस्या न विराजति साम्प्रतम् ॥

āvṛto vadanaṃ tasyā na virājati sāmpratam ||

like an autumn Moon, normally free of darkness, covered by clouds.

किमाह सीता हनुमंस्तत्त्वतः कथयस्व मे ।

kimāha sītā hanumaṃstattvataḥ kathayasva me |

Hanuman, tell me truthfully what Sita said.

एतेन खलु जीविष्ये भेषजेनातुरो यथा ॥

etena khalu jīviṣye bheṣajenāturo yathā ||

By this I shall live, as a sick person lives through medicine.

मधुरा मधुरालापा किमाह मम भामिनी ।

madhurā madhurālāpā kimāha mama bhāminī |

What did my beautiful, sweet-speaking beloved say, Hanuman?

मद्विहीना वरारोहा हनुमन् कथयस्व मे ।

madvihīnā varārohā hanuman kathayasva me |

Tell me of that graceful lady separated from me.

दुःखाद् दुःखतरं प्राप्य कथं जीवति जानकी ॥

duḥkhād duḥkhataraṃ prāpya kathaṃ jīvati jānakī ||

How does Janaki live, passing from sorrow into greater sorrow?'